Lessons 171-180
#171: Mixed conjugations- Si non obstatur, permittitur.
- Eripitur persona, manet res.
- Alius peccat, alius plectitur.
- Paulatim evellitur cauda equina.
- Salix flectitur sed non frangitur.
- Non semper homo talis est, qualis dicitur.
- Res agitur tua, paries cum proximus ardet.
- Frangitur ira gravis, cum fit responsio suavis.
- Amicus raro acquiritur, cito amittitur.
- Amicus diu quaeritur, vix invenitur, difficile servatur.
- Fortunae rota volvitur.
- Stultus ut luna mutatur.
- Tempus fugit, nec revertitur.
- Omne nimium vertitur in vitium.
- Graculus graculo, pica picae sociatur.
- Ex terra in terram vertitur omnis homo.
- Tempus praeteritum numquam revertitur.
- Maiorque videtur et melior vicina seges.
- Mons monti non miscetur, at vero homo homini.
- Homo sanctus in sapientia manet sicut sol, nam stultus sicut luna mutatur.
- Res ipsa loquitur.
- Aliter loquitur, aliter sentit.
- Hirundo aestatem loquitur.
- Ex abundantia cordis os loquitur.
- Sine lingua et voce loquitur somnium.
- Ovis ovem sequitur.
- Noctem dies sequitur.
- Mors sequitur, vita fugit.
- Sequitur ver hiemem.
- Ver hiemem sequitur, sequitur post triste serenum.
- Gamma Betam persequitur.
- Mors et fugacem persequitur virum.
- Testudinem equus insequitur.
- Tandem sua poena nocentem insequitur.
- Honor fugientem sequitur, sequentem fugit.
- Poeta nascitur, orator fit.
- Nemo nascitur sapiens, sed fit.
- E squilla non nascitur rosa.
- Aliud ex alio malum nascitur.
- Ex minima magnus scintilla nascitur ignis.
- Rex numquam moritur.
- Mala herba difficulter moritur.
- Moritur doctus, similiter et indoctus.
- Avarus, nisi cum moritur, nil recte facit.
- Dormit aliquando ius, moritur numquam.
- Ut amnis vita labitur.
- Cito pede labitur aetas.
- Nummus ubi praedicat, labitur iustitia.
- Labitur e mente cito res bona, sed mala lente.
- Cras, cras, cras, cras: sic omnis dilabitur aetas.
No comments:
Post a Comment
Comments are limited to Google accounts. You can also email me at laurakgibbs@gmail.com